Assignados totu cantos sos 90 iscrannos de su parlamentu de Stormont. A concruos su Sinn Féin mantenet sos matessi eletos de sa borta colada (27). Nche falant a 25 (dae 28) sos de su Dup. In sa de tres positziones acreschet sa rapresentàntzia parlamentare sua s’Alliance cun 17 sègios (9 in prus). Calant finamentas s’Ulster unionist party (9 dae 10) e su Social democratic and Labour party (8 dae 12). Dae 1 a 2 sègios sos de Indipendent unionist e semper a 1 abarrat People before profit. Unu sègiu fintzas pro sa Traditional unionist voice. Duncas a su presente, mancari sa vitòria de su Sinn Féin, sos eletos chi punnant a una re-unificatzione de sas 32 conteas sunt 35 (Sf 27, SdLp 8; 36 si b’annanghimus su de Pbp); sos unionistas sunt imbetzes 37 (Dup 25, Uup 9, Tuv 1, Ind 2).
redatzione
Leave a comment