In custa chida, su navigadore Firefox e s’aplicativu Thunderbird ant retzidu s’atentzione de Mozilla chi at currègidu 20 vulnerabilidades.
A minudu, 18 fartas pertocaiant Firefox 121. De custas 18, 5 las ant classificadas comente “arriscu artu”: sa prus perigulosa est sa CVE-2023-6856 chi podet permìtere a un’atacante de esecutare còdighe remotu. Segundu classificadu est CVE-2023-6135 chi dat sa possibilidade a sos malintentzionados de nde recuperare sa crae privada.
B’at finamentas una farta chi Mozilla at currègidu, denominada CVE-2023-6865, chi podet rivelare sos datos in EncryptingOutputStream. Pro mèdiu de custa vulnerabilidade est possìbile a iscrìere informatziones supra su discu locale.
Pro su chi pertocat sos problemas de seguresa in contu de memòria, sos bug los ant identificados comente CVE-2023-6863 e CVE-2023-6864, collegados finamentas cun Firefox ESR e Thunderbird.
Gianfranca Orunesu
Leave a comment