Su 7 de làmpadas de su 1929 naschiat s’istadu de sa Tzitade de su Vaticanu. A pustis de àere pèrdidu s’Istadu Pontifìtziu, invàdidu dae sas tropas sabàudas in su 1870 e integradu in su Regnu de Sardigna chi diat bènnere a èssere su Regnu de Itàlia, sa Crèsia aiat duncas torradu a tènnere unu possedimentu territoriale.
In su mese de freàrgiu de su 1929 s’istadu italianu, in sa persone de Benito Mussolini, capu de su guvernu italianu, e sa Crèsia, pro manu de su cardinale Gasparri, segretàriu de istadu, aiant firmadu sos Patos Lateranesos, in ue sas duas istitutziones torraiant a paghe serrende sa “chistione romana”.
S’Itàlia aiat chertu in custu modu garantire a sa Crèsia una sede fìsica pro ddi garantire indipendèntzia e soberania a livellu internatzionale.
(redatzione)
Leave a comment