Mùsica in sa Marina de Thiniscole cun maistros e dischentes de s’Iscola tzìvica Mea

Mùsica in sa Marina de Thiniscole cun maistros e dischentes de s’Iscola tzìvica Mea

Comintzant oe sos apuntamentos istiales de s’Iscola Tzìvica Mea, su cunsòrtziu formativu gestidu dae sa Doc Educational, dirìgidu dae su musitzista Carlo Sezzi e cun cabu-filera su Comune de Thiniscole.
In sa corte de sa sede de s’Iscola, in carrera de Nazario Sauro in sa Marina (La Caletta), oe b’ant a èssere sas proas de concruos de annu e cras sas esibitziones de sa Carovana Mea cun maistros e dischentes. Una tapa finamentas in Thiniscole, cras, cun unu live jazz a mesudie in su tzentru culturale de sa Fundatzione Farris Tedde (in carrera de Tàtari, cara a sa crèsia de Santu Giuanne).
Oe, dae sas ses de merie, in sa Marina, s’ant a esibire sos dischentes de sonete (cun su maistru Totore Chessa), de violinu (Andrea Obinu), de pianoforte e tastieras modernas (Jimmy Solinas), chiterra moderna (Giovanni Trapani), cantu modernu (Betty Uscidda), pianoforte clàssicu (Simone Cocco), sassòfonu (Simone Pala) e bateria (Carlo Sezzi).
Cras imbetzes, semper dae sas ses de merie, at a èssere su momentu de sa Carovana cun esibitziones de mùsica traditzionale, clàssica, rock, soul, R&B, funky, jazz, mùsica eletrònica e poesia sarda in otava rima.
Sa Carovana est una kermesse musicale chi, intre sos meses de trìulas e cabudanni, nch’at a lòmpere finamentas a sos àteros Comunes de s’iscola Mea: Pasada, Torpè, Lodè, Bitzi, Lùvula, Onanie, Orune e Osidda.

redatzione

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *