Est Matilde Soro sa Miss Sardigna 2022, chi at a andare a sas prefinales natzionales de su cuncursu natzionale, chi s’ant a fàghere dae su 16 a su 19 de cabudanni in Fano. Matilde, 18 annos, de Assèmini, istùdiat in su Litzeu linguìsticu; l’agradat su mundu de sa moda e de su tzìnema, sos animales e sa natura, e li praghet a biagiare pro iscobèrrere culturas noas.
Sos giurados l’ant isseberada intre 14 candidadas. Sa proclamatzione l’ant fata in su Casteddu de Seddori, òspites de sa famìlia de sos Contes Villasanta, cun su patrotzìniu de su Comune de Seddori e de sa Regione Sardigna. Cun Matilde Soro, a rapresentare sa Sardigna in Fano b’ant a èssere ateras 7 miss eletas in categorias diferentes.
Mariantonietta Piga