Làmpadas, su mese de su Coro de Gesùs

Làmpadas, su mese de su Coro de Gesùs

Su mese de làmpadas est su de su Coro de Gesùs. Custa devotzione at cumintzadu a s’isvilupare in s’Edade Mèdia intre sos paras e sas mòngias benedetinas. Sa chi est cunsiderada sa mama de sa devotzione est sa mòngia e mìstica tedesca Santa Gertrude de Helfta, bìvida in sa segunda metade de su de trèighi sèculos.

In su de deghessete sèculos ddo’at àpidu ateruna froridura de custa devotzione pro more de un’àtera santa e mìstica, custa borta frantzesa, Santa Margarita Alacoque, chi at tentu bator visiones de su Coro de Gesùs.

Pròpiu in Frantza est nàschida, in su 1672, sa festa, chi in su 1856 sa Crèsia at fatu universale. Ocannu s’at a afestare s’11 de làmpadas.

(redatzione)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *