Su 22 de santandria de su 1962 ochiant in Dallas a John Fitzgerald Kennedy. Sa versione ufitziale de s’istòria narat ca su reu fiat Lee Harvey Oswald, un’ex marine cun simpatias marxistas, chi diat àere isparadu cun su fusile dae una biblioteca acanta de su passàgiu de sa màchina presidentziale.
Oswald est mortu male issu puru a pustis de pagas dies. Ma finas su mortore suo, Jack Ruby, at fatu sa matessi fine carchi die a coa, ismanniende su mistèriu subra de su fatu.
Su pùblicu americanu no at crèidu mai a custa versione. Finas dae printzìpiu sunt essidas a pìgiu responsabilidades de s’F.B.I. e de sa C.I.A. Su capu de s’FBI, John Edgar Hoover, fiat un’inimigu personale de frades Kennedys.
Diferentes sas ipòtesis subra su movente: una vindita de sa màfia itaoamericana pro sas polìticas repressivas de Robert Kennedy, Ministru de sa Giustìtzia, o una ritorsione de sos servìtzios segretos pro no àere chertu mandare a in antis s’invasione de Cuba.
In prus su vitzepresinedte Lyndon Johnsosn, chi fiat pròpiu texanu, fiat issu puru pagu suportadu dae sos duos frades a sa ghia de sa natzione.
In ogna modu sa morte de John Kennedy sighit a èssere galu oe tema de investigatziones, libros, pellìculas documentàrias o de fintzione.
Paritzos sos elementos chi ant fatu de custu presidente unu mitu: su èssere giòvanu, de bella bisura, e s’atentzione a su problema de sos deretos tziviles, massimamente sa discriminatzione ratziale a s’ala meridionale de sos Istados Unidos.
In pagos annos, dae su 1963 a su 1968, s’Amèrica at connotu bator mortes polìticas in carchi modu ligadas a pare: a prus de sa de su presidente, sa de su frade Robert, sa de Martin Luther King e sa de Malcolm X.
Kennedy, su primu presidente catòlicu de sos U.S.A. e su prus giòvanu a bìnchere un’eletzione, fiat nàschidu in Brookline in su 1971 in una famìllia de ratza irlandesa. Eroe de gherra, aiat semper militadu in su Partidu Democràticu.
(gianni muroni)
Leave a comment