– de Salvatore Serra –
Un’algoritmu de chirca in internet est unu cumplessu de ainas chi pertocant sa protzedura de sighire pro otènnere unu resurtadu determinadu e ispetzìficu in su web, in intro de un‘istrutura de datos de importu mannu.
Podet dare chi, a l’esplicare, resurtet cumplicadu. Però, si t’acùrtzias a su tèrmine dae unu puntu de bista informàticu, podes otènnere un’esplicatzione prus crara e sintètica, ca s’ algoritmu est unu cuntzetu fundamentale de custu campu. Duncas, si podet supònnere chi cale si siat istrutzione est un’algoritmu si sos puntos suos ti cunsentint variantes diferentes pro s’isvilupu e si sos inditos balent pro totu sos issenàrios possìbiles.
De seguru, cando cherimus chircare carchi cosa in Google nos agradat una resposta lestra, pretzisa e filtrada, non milliones de pàginas chi non b’intrant nudda cun su chi semus chirchende.
Duncas, un’algoritmu est s’istrumentu perfetu pro nche torrare custa chirca a s’espressione minima. Tenende contu chi si tratat de unu programma pro elaboradores chi assebertat sos inditos giustos pro dare pròpiu sas informatzones chi bisòngiant.
In prus, sunt fòrmulas chi identìficant sas preguntas a medida chi las càmbiant in una lista de preguntas potentziales. Pro lograre custu, sos algoritmos de chirca de Google si fundant subra de singiales ùnicos o fatores mùltiplos. Custos fatores ammitint sa possibilidade belle de intzertare su chi ses chirchende in sa retza, pro ti propònnere, in custa manera, una lista de respostas craras possìbiles. Sas cales andant dae sa prus manna a sa prus minore, cunforma a s’importàntzia issoro pro cussa chirca particulare.
Pro resones lògicas, un’algoritmu de chirca non podet èssere detzifradu de su totu. Belle gasi, si podent connòschere unos cantos aspetos fundamentales e, cun custos, deduire sos rechirimentos prus simples.
De seguru, podes otènnere informatziones subra de comente funtzionat pro otimizare in manera perfeta s’istrategia SEO tua. Però tocat a tènnere in contu chi non semper benit bene a lograre custa casta de informatziones.
Comente prima cosa, tocat a tènnere contu de su fatu chi Google atualizat in manera periòdica s’algoritmu suo de chirca. Megiorende semper de prus e divenende un’aina semper prus intelligente. Unu de sos obietivos suos prus notàbiles dae unu pagu de tempus est a dare prioridade a sas WPO de unu giassu web e a sa navigatzione cun sos dispositivos mòbiles, chi si impitant semper de prus in sa sotziedade nostra.
De seguru custu navigadore famadu no est s’ùnicu chi s’est interessadu a custu aspetu. Infatis, totu sos motores de chirca prus impreados tenent s’idea de megiorare die cun die. Comente est acuntessende cun Yahoo, Yandex e Bing chi sunt faghende evòlvere sos algoritmos issoro pro chi sos consumidores otèngiant resurtados mègius, investende pagu tempus in sa chirca.
Leave a comment