In sa Die de s’Ammentu, dedicada a sos pròfugos de Ìstria e Dalmàtzia, est disponìbile una pellìcula chi tratat de sa comunidade istriana sarda, Fertilia istriana, de Cristina Mantis. Su filmi est sa sighidura ideale de Magna Istria, giradu in su 2010.
Sa solennidade tzivile de su 10 de freàrgiu est istada istituida in Itàlia in su 2004 pro ammentare sas vìtimas mortales de sas fòibas, in ue mìgias de italianos sunt istados ochidos dae sos comunistas jugoslavos, e totu sos èsules chi in su pustisgherra ant lassadu s’Ìstria e sa Dalmàtzia, unas treghentas mìgia persones.
Una parte de custos fiat lòmpida a Sardigna, in Fertìlia, e in ie s’est istabilida e integrada cun sa populatzione locale.
Su documentàriu dedicadu a sos istrianos de Fertilia est disponìbile in streaming pro unu mese a su prètziu de 2 èuros.
(redatzione)