Oe in Irlanda de su Nord ant nominadu a Michelle O’Neill prima ministra. S’esponente de su Sinn Fein (est sa vitzepresidente de su partidu) marcat sa novidade ca mai in antis de como sa presidèntzia fiat in manos a sos natzionalistas irlandesos (semper unionistas sos chi amus connotu). Insediende·si O’Neill at naradu chi sa nòmina «aberit sas ghennas a su benidore de sa natzione» , mancari no apat fatu riferimentu perunu a s’unificatzione de s’Ulster cun s’Eire. A pustis de tantu tempus sos partidos ant agatadu sa cunvergèntzia e, cunforma a sos acòrdios de sa Chenàbura santa de su 1998, vitzepremier at a dèvere èssere unionista.
Leave a commentIrlanda de su nord, sa prima ministra est de su Sinn Fein
![Irlanda de su nord, sa prima ministra est de su Sinn Fein](https://salimbasarda.net/wp-content/uploads/2024/02/51182386_10214713874583795_4313327662715109376_n-770x540.jpg)