In Tonara su cuncursu "Po Peppinu Mereu"

In Tonara su cuncursu "Po Peppinu Mereu"

Trintunu de santugaine. Est a nàrrere glau unu mese de tempus pro pòdere pigare parte a su cuncursu literàriu “Po Peppinu Mereu” aprontadu in Tonara dae su coro feminile locale in pare cun s’amministratzione comunale, sa Pro loco e sa Comunidade montana Gennargentu-Mandrolisai. «Su cuncursu – leghimus in su bandu – chelet fàere connòschere sa limba e sa poesia sarda, sentimentos e idealidades de sa gente de Sardigna. Chi po cussu su ‘e fàere est a primu a difènnere e pretziare sa limba sarda non solu daghi si foeddat ma finas canno s’iscriet». In sas setziones ammìtidas b’est finamentas sa pro sas poesias in tonaresu (in rima o macu e a mutos), una manera pro valorizare su limbàgiu de sa bidda. Pro pigare parte a su cuncursu tocat a sighire sos inditos presentes in su regulamentu.

Màuru Piredda

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *