In su de Nùgoro custu mangianu si nche sunt ischidados cun su nie

In su de Nùgoro custu mangianu si nche sunt ischidados cun su nie

Narat su ditzu: “Abrile at mortu sa mama a fritu”. E a cantu paret cust’annu puru cheret mantènnere sa promissa. In su de Nùgoro, custu mangianu, si nche sunt ischidados cun su nie. At cumintzadu a frocare in intro de note pro sighire fintzas a parte de mangianu pro nche la girare a pustis a abba e bentu.

E fintzas si su mèteo aiat abbisadu de custa temporada, sa manta arba at ispantadu a totus, dae Nùgoro a Desulu, dae Fonne a Brebì. Sa situatzione mancu male paret suta controllu in totue: in Nùgoro non b’at àpidu mancu problemas a su tràficu. In Fonne bi fiant 5 tzentìmetros de nie, ma sa viabilidade fiat suta controllu.

Carchi pelea imbetzes in sos caminos provintziales, mescamente in sa 131dcn dae Orane a Nùgoro, e in s’istatale 389 dae Mamujada a Lanusè, ue sunt intervennidos 4 mezos de s’ANAS.

Mariantonietta Piga

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *