Sa rapresentante de Fratelli d’Italia, Giorgia Meloni, cun su 26,1% de sos votos, at fatu bìnchere a su Tzentrudestra custas eletziones polìticas. Una binchida personale e de partidu chi li balet s’incàrrigu de presidente de su Consìgiu, sa prima fèmina in s’istòria italiana. E su partidu suo est primu in unu pore de regiones.
In custas eletziones, su PD, cun su 19%, at fatu su matessi resurtadu de sas eletziones passadas. Sa coalitzione de Tzentrusinistra s’est firmada a su 26%.
At ispantadu su resurtadu de su Movimentu 5 Stelle de Giuseppe Conte, cun su 15,5% de sos votos, chi at cunfirmadu de èssere galu unu movimentu biu e in gradu de àere unu ruolu importante in su Sud. Su tertzu polo de Carlo Calenda e Matteo Renzi at picau su 7,8%. Botzados Impegno Civico de Luigi di Maio e Italexit de Gianluigi Paragone.
Su Presidente de sa Repùblica Sergio Mattarella diat dèpere cumintzare cun sas consultatziones pro formare su guvernu cara a su 24 de santugaine.
Mariantonietta Piga
Leave a comment