Formatzione amministradores, sos addòbios de sa Corona de Logu

Torrant sos addòbios formativos pro sos iscritos a sa Corona de Logu, sa rete de sos amministradores locales indipendentistas de Sardigna. Cun una novidade: ocannu ant a èssere abertos finamentas pro sos consigeris, pro sos assessores e pro sos sìndigos chi iscritos non sunt. Borta cun borta sa Corona de Logu at a pònnere in agenda sas chistiones de importu pro s’atzione amministrativa de sos assotziados. Su primu addòbiu l’ant a fàghere su 19 de ghennàrgiu cun sa segretària comunale Marina Pais. De ite ant a faeddare? De su Testu ùnicu de sos Entes locales, de sas funtziones de sos sìndigos e de sos assessores, de su ruolu de sos consigeris de de majoria e de minoria, de sas delìberas e de sas detèrminas, de sos ufìtzios, de sos responsàbiles e gasi sighende. «S’addòbiu – narant sos organizadores – l’amus pensadu pro sos neoeletos». Pro bi pigare parte cheret chi si paghet una cuota de 10 èuros. Adesiones a s’indiritzu amministradores@gmail.com.

redatzione

Leave a comment

Send a Comment

S'indiritzu email tuo no at a èssere publicadu.