Dae s’ìsula sorre lompent paràulas de cunfortu pro su fogu chi at distrutu 20.000 ètaros in Sardigna intre su 23 e su 25 de trìulas.
Gilles Simeoni, de Femu a Corsica, presidente de su Cussìgiu Esecutivu de Còrsica, at espressadu solidariedade a su presidente de sa R.A.S. Solinas.
In prus su partidu indipendentista Corsica Libera at manifestau issu puru solidariedade a sa Sardigna pro sos dannos de su fogu.
Ma a prus de su consolu ddo’est sa proposta: sos corsicanos pedint chi siat sa Sardigna siat sa Còrsica tèngiant mezos issoro pro custas ocasiones.
Giai in su 2017 sos eletos de Corsica Libera aiant contribuidu a fàghere votare una risolutzione de sos capogrupos de sas duas ìsulas pro costituire unu sistema de luta a su fogu a cumone.
Corsica Libera est finas gherrende pro sa realizatzione de su Serviziu d’incendiu è di succorsu de sa Còrsica, chi tres annos a pustis de sa creatzione de sa Culletività unica no est galu nàschidu.
(redatzione)