Su Credo est una pregadoria resada in crèsia pro afirmare s’apartenèntzia a una fide, a una dotrina. Su Credo est finamentas unu traste pro nche tòddere sos callos dae pees. Ma “Credo” est, oe, su faeddu crae de sa Lega in custas eletziones, e duncas finamentas su de s’atopu traditzionale de Pontida. “Credo nell’Italia”, pro èssere prus cumpletos. E a cue b’est lòmpidu finamentas su guvernadore nostru Christian Solinas. A nàrrere chi bi creet fintzas issu. A ite? «A s’autonomia» e no a s’indipendèntzia, comente narat su primu artìculu de s’istatutu de su Partidu sardu. E a ite galu? «A s’alleàntzia istratègica intre su Psd’Az e sa Lega», nemmancu a sa tàtica. Est oramai una fide, duncas. E pro custa fide tocat de nche bogare su chi contaiat in antis o fiat bajuladu che a unu callu. A concruos balet su chi leghimus in s’immàgine de su nostru in cuddae. Che chi esseret una sutaliniadura.
redatzione
Leave a comment