Festival Lussu, anteprima Collodi

Festival Lussu, anteprima Collodi

In ocasione de sa de sete editziones, su Premio Emilio Lussu presentat, giòbia 10 de làmpadas, un’anteprima dedicada a Carlo Lorenzini, in arte Collodi.

Ant a presentare Collodi. Articoli di costume, volume V, tomo II, publicadu dae Giunti.

Sunt previstso sos interventos de Daniela Marcheschi, presidente de sa Fondazione Carlo Collodi, Fernando Molina Castillo e Roberto Randaccio. Sa presentatzione at a èssere disponìbile in direta online in Facebook e Youtube.

Lorenzini, chi usaiat comente nùmene de arte su de sa bidda de sa mama, Collodi, est connotu a livellu universale comente s’autore de Pinocchio, unu de sos libros prus publicados e traduidos in su mundu. In antis però de bogare fama comente iscritore su florentinu teniat giai una carriera longa de giornalista.

Aiat cumintzadu a iscrìere in La Rivista di Firenze e a coa aiat fundadu sa publicatzione satìrica Il Lampione.

Una borta esaurida custa esperièntzia aiat fundadu ateruna rivista, La Scaramuccia e aiat collaboradu cun Il Fanfulla.

In prus aiat finas publicadu artìculos de crìtica teatrale. Sa collaboratzione cun s’editore Paggi, comente tradutore de sos contos de Perrault, dd’aiat fatu acostare a sos libros pro pitzinnos. In su 1881 aiat cumintzadu a iscrìere, a puntadas, in Il giornale dei bambini, Sas Peleas de Pinocchio, tìtulu originale Le avventure di Pinocchio: storia di un burattino.

S’anteprima de su 10 de làmpadas est in programma cun sa collaboratzione de su festival Trame d’estate, lòmpidu a sas de noe editziones e est organizada dae su sòtziu culturale L’Alambicco, de Su Masu, cun s’agiudu de sa Regione Autònoma de Sardigna e de su Ciseg – Centro Internazionale di Studi Europei Sirio Giannini, de Seravezza, in provìntzia de Lucca, intituladu a s’iscritore nàschidu in sa bidda toscana e mortu in su 1960.

(gianni muroni)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *