Sàbadu 22 de santandria in Tàtari, a sas 20:00, su Festival delle Bellezze faghet tapa in sa cresiedda de Nostra Segnora de su Late Durche, pro sa rassegna natzionale Voci per Santa Cecilia.
Cantant sos coros Insieme Vocale Nova Euphonia e Corale Studentesca Città di Sassari, cun sa diretzione de Vincenzo Cossu.
Pro more de sa collaboratzione cun su Festival Note Senza Tempo, organizadu dae Dolci Accenti APS, ant a èssere presente s’ensemble formadu dae Margherita Scaramuzzino a sa boghe e Calogero Sportato, chi est finas su diretore artìsticu de su Festival Note Senza Tempo, a sa tiorba, a s’artziliutu e a sa chiterra ispagnola.
Organizat su sòtziu Insieme Vocale Nova Euphonia, cun sa diretzione artìstica de Vincenzo Cossu, e patrotzinat sa Comuna de Tàtari.
Presentat s’ispetàculu, chi s’intrada est de badas, Manuela Muzzu.
(gm)
Leave a comment

