Domìniga 6 de cabudanni in Sìligo ddo’at àpidu sa tzerimònia de premiatzione de sa de 24 editziones de su Prèmiu Maria Carta.
Sunt istados premiados sas Faraualla (in sa foto), cuartetu vocale pulliesu cumpostu dae Gabriella Schiavone, Maristella Schiavone, Teresa Villarella e Loredana Savino, e Tore Corazza, baterista otieresu chi at sonadu, intre sos àteros, cun Cocciante e Renato Zero.
In prus ant premiadu, in sas àteras categorias, su tzìrculu de sos sardos Sarda Tellus de Gènova e s’azienda caseària Pinna de Thiesi.
Prèmiu ispetziale a Anna Moroni, connota pro sos programma de coghina in televisione.
Su prèmiu, organizadu dae sa Fondazione Maria Carta, presèdida dae Nardo Marras, at tentu s’agiudu de sa Càmera de Cummèrtziu Nord Sardegna, cun su tzircùitu Salude&Trigu, de sa Fondazione Sardegna e su patrotzìniu de Impresa Cultura de sa Confcommercio Nord Sardegna.
(gm)
Leave a comment