Aprovadu, in su Parlamentu portughesu, su progetu de lege chi règulat s’eutanasia. Chentutrintases sos votos favorèvoles, 78 sos contràrios e 4 sos astènnidos. Sa morte assistida, duncas, est cunsentida gràtzias a su eja de Bloco de Esquerda, de Pessoas Animais Natureza, de Iniciativa liberal, de sa grandu majoria de su Partido socialista – chi at lassadu libertade de votu – e de duas deputadas indipendentes. Contràrios su Partido Comunista Português, su Centro Democrático Social, sos sovranistas de Chega e sa majoria de su Partido Social Democrata (libertade de votu in intro de sa formatzione). Sa Crèsia pediat unu referendum. Est como eutanasia non punìbile sa chi, pro disinnu de sa persone matessi, antìtzipat sa morte in situatzione de suferèntzia estrema o maladia incuràbile e fatale (redatzione / foto ansamed).
Leave a comment