Custu note est mortu David Sassoli, su Presidente de su Parlamentu europeu, chi sufriat dae carchi mese de una maladia a sas defensas immunitàrias a pustis de una purmonite. Deretos, in sas retzas sotziales, si nde sunt pesados sos reselos de calicunu chi poniat in mesu su vatzinu contra a su Covid. Ma giai dae cabudanni s’ischiat chi Sassoli fiat malàidu meda pro neghe de sa legionella.
Su polìticu fiat istimadu meda pro more de sa carriera sua de giornalista e pro s’atentu chi poniat a subra de sas chistiones sotziales. Su mundu de s’informatzione e de sa polìtica si nche est mustrende aunidu in sos ammentos e in sas paràulas bonas, proa, in custu tempus de cuntierras a sighidura, de dolu sintzeru.
(redatzione)
Leave a comment