A pustis de noe dies de coma Yvan Colonna est mortu (nde amus iscritu fintzas inoghe). S’Istadu frantzesu chi aiat dadu giai carchi paràula pro abèrrere a s’autonomia de s’ìsula est timende chi sas protestas potzant torrare a si allùere e batire àteros problemas. Depimus tènnere a mente chi in Frantza est istajone de eletziones e Macron, chi si nche fatende bìdere meda cun sa chistione de s’Ucràina, est in dificultade manna cun sa situatzione de sa Còrsica. Un’ala de s’opinione pùblica est bidende sa Còrsica comente una faddina sua e non cheret dare prus autonomia a un’ìsula amministrada dae sos indipendentistas, ma pro asseliare totu Macron diat pòdere cuntzèdere meda de prus como, chi a pustis de sas eletziones. Sos corsos, chi connoschent sa situatzione, sunt aunidos e sunt ponende un’impèllida semper prus manna pro otènnere a sa lestra prus poderiu dae sa terramanna.
(redatzione)
Leave a comment