Eletziones legislativas in Frantza: majoria presidentziale o “cohabitation”?

Eletziones legislativas in Frantza: majoria presidentziale o “cohabitation”?

Oe votant fintzas in Frantza, ma pro rennoare s’assemblea legislativa a pustis de sas presidentziales chi ant cunfirmadu a Macron in s’Eliseu. Turnu dòpiu finamentas custa borta (cun cramada su 19) si non b’at chie crompet deretu a sa majoria assoluta. Su presidente de sa Repùblica – ammentemus·nos·lu, ordinamentu semipresidentziale – est in cherta de unu parlamentu a issu favorèvole, ma est possìbile una co-abitatzione cun majoria diferente. Custas sas listas presentes in sas ischedas in manu a sos tzitadinos de s’istadu frantzesu: sos macronianos de Ensemble pour la majorité présidentielle, sa bitzicleta de tzentru-dereta Républicains-Udi, sa coalitzione ruju-birde de sa Nouvelle Union populaire écologique et sociale ghiada dae Mélenchon, su Rassemblement Nationale de Le Pen, sos neogollistas sovranistas de Debout la France, su Parti Radical de Gauche de màdrighe lib-lab, sa dereta estrema de Reconquête.

redatzione

Leave a comment

Send a Comment

S'indiritzu email tuo no at a èssere publicadu.