de Angelo Canu
Su 17 de santugaine s’Assessora Claudia Firino at a addobiare a sos operadores de sos ufìtzios de sa limba sarda in sa sala Lilliu de sa Biblioteca Regionale de Casteddu (arborada Trieste, n. 137).
“Bos apo a addobiare dae inoghe a pagu tempus”.
Gasi aiat naradu a sos operadores Firino su 29 de abrile in Aristanis, in sa presentada de su CROS. A pustis duncas de belle che 6 meses crompet sa cunvocatzione pro allegare de su tempus benidore de custos traballadores, pro chistionare de sas punnas chi s’assessoradu giughet in pitzu a sa limba sarda, ma fintzas pro chircare de cumprèndere su cuntzetu chi nd’at sa giunta de su sardu e de sa polìtica linguìstica.
S’addòbiu crompet in unu tempus de chistionu forte e aspru, cun milli polèmicas. E incapas est però su momentu giustu pro inditare a s’assessora su caminu de fàghere pro istèrrere unu programma in sos annos imbenientes. Ca est su chi depent atrivire a fàghere sos operadores: chistionare sena timòria peruna, faeddare de su traballu issoro e de sa polìtica linguìstica chi ant fatu dae deghe annos a oe, mustrare sos profetos chi sa sotziedade sarda nd’at àpidu e sa drempida de s’arresonu in Sardigna in custos ùrtimos annos, pro li mustrare s’àndala de sighire.
Un’ùrtima cosa, Assessora. Su chi b’at capitende in Sardigna in tundu a sa Limba Sarda no est fàida: est dibata.
Che in cada setore e in cada ambiente.
foto leada dae sa retza
Leave a comment