Su 3 de santandria de su 1493 Cristoforo Colombo avistaiat un’ìsula in su mare caraìbicu e ddi poniat a nùmene, pro more de sa die, Dominica.
Populada dae ìndios Arawak aiat bidu una prima colonizatzione europea, chi aiat tentu pagu sorte, cun sos ispagnolos.
Fiant istados sos frantzesos, in su de deghessete sèculos, a istabilire una colònia istàbile e a cumintzare s’importatzione de iscraos africanos.
A cumintzu de su de deghennoe sèculos s’ìsula fiat intrada in possessu de s’Inghilterra. In su 1978, pròpiu su 3 de santandria, Dominica at otentu s’indipendèntzia.
Belle totu sa populatzione est de orìgine africana ma ddoe sunt galu unos tres mìgia arawak. Sas limbas faeddadas sunt s’inglesu, in forma istandard e pidgin, e su frantzesu in sa forma crèola.
(redatzione)
Leave a comment