Dae prima die e a su 4 de santugaine, su novenàriu de Santu Frantziscu, in sartu de Lùgula, at abertu sas ghennas a sos fideles e a sos pellegrinos, chi non sunt cherfidos mancare a s’apuntamentu cun una de sas festas religiosas prus sentidas de su territòriu.
A lis dare su benebènnidu sos priores Salvatore Siotto e Monica Lai chi, cun sa testimoniàntzia issoro de fide, impinnu e bonucoro, ant a traballare dae como in susu fintzas a maju de su 2023 pro mantènnere bia custa traditzione. Sos priores noos sunt animosos, cumbintos chi su Santu lis at a dare sa fortza pro parare fronte a sas fainas netzessàrias pro ammaniare in maju una festa deghile e acasagiare novenantes, fideles e pellegrinos cun su matessi coro de santugaine.
E àere peri su tempus pro si godire issos puru cussa àera de fide chi si respirat in Santu Frantziscu, sighende s’àndala de su poveritu de Assisi chi at dedicadu sa vida sua a donare amore, sustentu e amparu a chie nd’aiat bisòngiu.
Mariantonietta Piga
Leave a comment