Foto de Martijn Beekman leada dae government.nl
Gert Wilders at detzìdidu de ritirare su partidu suo, su PVV, dae sa coalitzione de guvernu de tzentrudestra, in càrriga dae trìulas de ocannu passadu cun primu ministru Dick Schoof (in sa fotografia).
A pustis de mancu un’annu, dae su 2 de trìulas a su 3 de làmpadas, s’Olanda bidet duncas sa crisi de s’esecutivu, cun sas dimissiones de su premier.
Wilders at motivadu su sèberu narende ca sos alleados, sos liberales de su VVD, sos cristanodemocràticos de su NSC e su movimentu de sos massajos BBB, no ant atzetadu sas mesuras contra a s’immigratzione propostas dae su PVV. Intre custas s’espulsione de tzitadinos cun natzionalidade dòpia chi siant cundennados.
Su sistema proportzionale in vigore in sos Paisos Bassos diat pòdere permìtere sa nàschida de aterunu esecutivu cun diferentes alleàntzias. Si nono ant a fàghere eletziones antitzipadas.
(gm)
Leave a comment