Parimus torrados a cando su Covid fiat una noa mai intesa: contàgios in totue, isteddos de sa mùsica e de su tzìnema malàidos e sos giornales chi non faeddant de àteru. Carchi cosa però est mudada: sos ispidales non sunt galu prenos e sos ricoverados sunt belle che totus gente chi, pro una resone o pro s’àtera, non si nche est vatzinada o est dèbile meda. Sos nùmeros de contàgios sunt artos meda, ma sos vatzinos nos sunt amparende, nessi pro como.
Sa variante Omicron si nche est ispartzinende prus a sa lestra, ma paret chi siat prus pagu grae de sas àteras genias de Covid chi amus connòschidu in custos duos annos de pandemia. Custa est s’ispera de totus. Si est gasi, aiat resone su Ministru de sa sanidade tedescu, Jens Spahn: a s’agabbu de s’ierru amus a èssere totus vatzinados, sanados o mortos. Naradu gasi paret cosa mala, ma forsis est s’ùnica manera de nde essire de a beru dae custu disacatu.
(redatzione)
Leave a comment