Covid e migrantes. Una chirca: «Isproportzione»

Non proet che pare subra sas concas de sa gente. Epicentro, su portale de epidemiologia de s’Istitutu superiore de sa Salude, at publicadu unu documentu tituladu “Covid-19 intre sos migrantes: s’importàntzia de sa vatzinatzione”. Ite nos narat? Chi – in contu de cundiduras e maladia – b’at un’isproportzione intre sos de su logu e sas populatziones migrantes residentes. Custos, leghimus, ant isperimentadu paritzos efetos a livellu sanitàriu e sotziale e, in riferimentu a unos cantos grupos de minoria ètnica, una cobertura vatzinale fartosa. Sos datos mustrant chi custas comunidades in s’Unione europea, in s’Ispàtziu econòmicu europeu e in su Rennu unidu, tenent un’espositzione prus manna in contu de ricòveros e mortes. (redatzione)