Gianteris sa giùighe de su tribunale de Lanusè, Nicole Serra, at decraradu chi sos oto generales de s’esèrtzitu italianu, acusados pro su disacatu de su polìgonu de su sartu de Chirra, sunt innotzentes ca non bi sunt sas proas craras de sa neghe issoro.
S’iscumbata fiat tzucada in su 2010 dae su procuradore Domenico Fiordalisi chi, a pustis de si èssere sapidu chi in sa zona serente a sa base b’aiat pitzinnos nàschidos male-formados, una cantidade manna de persones e sordados cun tumores de su sàmbene e fintzas angiones nàschidos malàidos meda.
Sa sentèntzia lassat abertas chistiones mannas: de chie est sa neghe de su luòngiu de s’ambiente? Comente agiudare sos malàidos e sas famìllias issoro? E sos pastores chi ant dèvidu mudare vida ca s’arriscu de pàschere in ie fiat tropu mannu, chi los rimborsat?
Dimandas chi ant a abarrare sena rispostas, ca dae como a un’annu e mesu su protzessu andat in prescritzione.
Gabriele Tanda
Leave a comment