Oe Umberto Aime in sa Nuova Sardegna at ammustradu comente prus o mancu su sessanta pro chentu de sa gente chi suprit in Sardigna no intrat in sas ostera e in sos albergos registrados, chi pagant sas tassas in Sardigna. Sos turistas iscumparent intro a sas domos segundas chi podent èssere de sardos, ma fintzas de gente de fora. In custa manera su turismu in Sardigna non lompet a cobèrrere su deghe pro chentu de su PIL sardu.
Sa cuntierra chi onni annu si pesat a subra de su turismu (trasportos malos e caros, pagos servìtzios e gasi sighende) ocannu est un’agigu diferente: sos giòvanos sardos non sunt andende a traballare in su setore, pro su prus ca pagant pagu pro su traballu chi si faghet, ma fintzas ca sos duos annos de Covid ant fatu fuire sos espertos in àteros setores prus seguros. Sos imprendidores, a s’ala issoro, narant chi non podent pagare de prus.
Ma si sas istruturas pro su prus sunt cuadas e sos ristorantes non resessent a bi balangiare e pagare sos traballadores, a chie cumbenit chi bèngiat totu custa gente? Su dinari lompet e meda puru e sardos medas bivent a subra de custu, ma chie si la leat sa fita prus matzoca?
Leave a comment
comente si faghede a non cumprendere ki sa politica de sos admistatores sardos es’cussa de ‘endere sas cosas nostras a su peus offerente furisteri. Nos ana leadu tottu, ca tenimos unu tesoru, e semus teracos in domo nostra. Quando si ha un tesoro i ladri bussano alla porta e noi i complici ce li abbiamo in casa.