Semus chirchende in Casteddu volontàrios bilingues e monolingues chi si sutapòngiant a test subra s’istùdiu de su bilinguismu. Chie est interessadu podet iscrìere a su diretore de su giornale Giuseppe Pepe Coròngiu o a su giornale matessi a sa post.tel.
limba sarda2.0@gmail.com
Sos recuisitos essentziales sunt:
a tènnere un’edade intre 18 e 40 annos
-
a no impreare (durante s’esperimentu) lentes a cuntatu, cun sas ogeras est pòssibile, tocat a proare
-
a non tènnere problemas de limbàgu o de origras.
Su traballu est a in curu de una chircadora de PhD de s’universidade de Edimburgu, sa dotoressa Michela Bonfieni, sa cale istùdiat su bilinguismu dae su puntu de vista linguìsticu e cognitivu in coordinamentu cun unu progetu europeu chi incluit 17 istitutziones (AthEME) e chi istùdiat s’esperièntzia multilingue in Europa.
Est una chirca in contu de sos efetos subra s’utilizu de una o prus limbas subra sos faeddantes bilingues sardu-italianu. Pro custa resone est istadu aprontadu un’esperimentu e si chircant partetzipantes bilingues e monolingues in italianu. Sos esperimentos s’ant a fàghere custas 15 dies imbenientes.
B’at fintzas unu rimbursu pro chie partetzipat.
Sigomente est difìtzile a ischire chie est veramente bilingue e monolingue in Sardigna, naramus chi in su progetu si sunt definidos custos critèrios conventzionales:
BILINGUES:
sunt sos chi cumprendent e faeddant a manera fluente italianu e sardu chi cheret nàrrere a cumprèndere e a connòschere a modu non superfitziale unu nùmeru de paràulas ampru, a èssere meres de sas règulas grammaticales pro fraigare frases fatas bene, a ischire comente unu si espressat subra de argumentos cumplessos e a pòdere pònnere in fatu un’arresonu subra argumentos complessos (es. Un’ispetàculu teatrale in sardu o un’arresonu detalliadu).
MONOLINGUES
sunt sos chi cumprendent e faeddant a manera esclusiva o prevalente s’italianu e ant una connoschèntzia de nudda o de pagu de su sardu. Sunt sos chi connoschent o impreant petzi unu nùmeru minore de paràulas in sardu e de frases fatas, ma no ant sa capatzidade de formare frases curretas in sardu (francu frases basilares) nen de partetzipare a manera cumplessa e pretzisa in un’arresonu detalliadu e cumplessu. Sunt sos chi non sighint un’arresonu de custu paru o ant dificultades mannas medas. (es. No ischint bene de ite est faeddende s’arresonadore).
Custu esperimentu si faghet in s’elaboradore in sa sede de s’editore Condaghes in Casteddu. Est a in donu (antzis b’at unu rimbursu minore) e durat belle un’ora e mesu.
Si cheres dare una manu de agiudu e ses interessada/adu a custa chirca podes cuntatare inoghe sa redatzione de su giornale a limba sarda2.0@gmail.com
Leave a comment
Fueddu de sempiri su sadru. Penzu in sadru, e mi fueddu in sadru..
S’itallianu dd’appu imparau in iscolla e cum sa “tv dei ragazzi””
Cussus chi funti nasciusu 10annus appustisi de mei fieddanta in itallianu e unu pagu cumprendinti di sadru.
Cussusu nasciusu 20annusu appustisi, su sadru ddu cumprendinti cantu s’inglesu.
In Crabasa e in Aristaisi bilingue nd’agattaisi pagu chi sigheisi a criccai in mesu a piccioccusu de 40/18annusu.
1960/69 a is pippiusu fueddanta ancora in sadru 1 famillia asusu de duasa…
Auguri.
Non bis atzuare ca soe “betza”, soe nàschida in su 1960. Ma bos depo nàrrere chi sunt propriu sos annos sessanta chi ant fatu de làcana pro s’impreu de sa limba sarda in domo e in iscola. Mamma mea fuit mastra ‘e iscola e sos ammentos suos sunt bistados prendas pro a mie
Ahi su TV! Non bos poto
T9 no Tv
Faeddo e cumprendo su logudoresu ma so anziana pro partecipare a su progettu (interssantissimu) 21/03/1958!
Salve, sono Michela Bonfieni, la ricercatrice che ha effettuato questo studio. Vorrei chiedervi se potete per favore cancellare la foto della partecipante. Potete mantenere quella dell’attrezzatura. Grazie.