In sos campionados regionales de sàrtiu a ostàculos de Santu Lenardu de domìniga 6 de làmpadas, Giovanni Carboni, de sa Quadriflor Horses&Gardens, s’est cunfirmadu campione, cun su caddu Rubacuori Baio.
Su cadderi at finidu cun 6 penalidades ebbia, mentras s’aversàriu Gianleonardo Murruzzu, cun Taissa Sarda, in sa de tres e ùrtima prova, at fatu 8 penalidades.
In sa de tres positzione s’est classificadu Andrea Guspini cun Tabor De Paule e in sa de bator Antonio Murruzzu cun Tiberio.
In sa finale pro su primu gradu, cun ostàculos a 130 cm, at bintu Giovanni Onnis, de su Centro Ippico Le Vigne de Biddecrèsia. Segundu est arribadu Gabriele Visca cun Courdney, su de tres Andrea Pes cun Belidante e in sa de bator positziones est arribada Julie Madau cun Eduard.
Est istada, custa de su Centro Siete Fuentes, sa prima manifestatzione ìpica de s’annu, cun 59 garas in totu, in presèntzia de pùblicu. Totu sos caddos chi ant curtu, at ammentadu su presidente de sa Fise Sardegna Stefano Meloni, sunt allevados in Sardigna.
(redatzione)
Leave a comment