S’est concruida sa de 37 editziones de Voci d’Europa, sa manifestatzione organizada in Portu Turres dae sa Associazione Coro Polifonico Turritano.
Dae su 29 a su 31 de nadale sa Dolci Accenti Ensemble e sa Ensemble Vocale Ricercare, ispetzializadas in mùsica baroca, ant eseguidu mùsicas de Claudio Monteverdi, mentras su Coro Polifonico Turritano, cun sa diretzione artìstica de Maria Laura Lambroni, at cantadu cumponimentos de Benjamin Britten e de duos autores contemporàneos, James Whitbourne cun sas mùsicas sacras suas e Bob Chilcott, cun sas mùsicas de Paschighedda.
Sos logos in ue si sunt esibidos sunt sa basìlica de Santu Gaine in Portu Turres, Santu Pedru de Sorres in Boruta, Santu Pedru de Sirchi in Tàtari e su Palatzu Baronale de Sosso.
Sos organizadores ant dedicadu s’editzione de ocannu a sa memòria de Antonella Mellino, corista de su Coro Polifonico Turritano, chi est morta pròpiu sas dies de sa manifestatzione.
(redatzione)
Leave a comment