Intro de su 18 de freàrgiu, est a nàrrere su sàbadu de sa chida chi est intrende, sas iscolas chi bi pigant parte ant a dèvere cumpletare sas protzeduras de sa prima fase de sos Campionados de filosofia. In Sardigna sunt 25 sas istruturas interessadas.
1. Litzeu clàssicu Dettori de Casteddu
2. Litzeu iscientìficu Alberti de Casteddu
3. Cunvitu natzionale Vittorio Emanuele II de Casteddu
4. Litzeu clàssicu Siotto Pintor de Casteddu
5. Litzeu iscientìficu Pacinotti de Casteddu
6. Litzeu iscientìficu Sergio Atzeni de Cabuterra
7. Litzeu Motzo de Cuartu Sant’Aleni
8. Litzeu iscientìficu Pitagora de Ceraxus
9. Litzeu iscientìficu e linguìsticu de Nùoro
10. Litzeu iscientìficu Galilei de Macumere
11. Litzeu clàssicu Asproni de Nùgoro
12. Litzeu iscientìficu Costa Azara de Sòrgono
13. Litzeu Pischedda de Bosa
14. Litzeu Othoca de Aristanis
15. Litzeu Croce de Aristanis
16. Litzeu Frmi de S’Alighera
17. Litzeu Garibaldi de Madalena
18. Litzeu clàssicu Azuni de Tàtari
19. Litzeu iscientìficu Spano de Tàtari
20. Litzeu Margherita di Castelvì de Tàtari
21. Litzeu de Casteddu Sardu
22. Litzeu Zappa Pitagora de Ìsili
23. Litzeu Piga de Biddacidru
24. Litzeu Einaudi de Murera
25. Litzeu Marconi de Santu ‘Èngiu
Sas ex Olimpìades (disafios didàticos in intro de su programma annuale ministeriale in contu de valorizatzione de sas etzellèntzias) sunt indiritzadas a is istudiantes de s’iscola segundària de segundu gradu pro promòvere e sustènnere sas potentzialidades filosòficas issoro. Custas sas punnas decraradas: aprofundire contenutos filosòficos, adotare metodologias didàticas noas e istrumentos informàticos; cunfrontu cun s’imparòngiu filosòficu in su cuntestu iscolàsticu europeu e extraeuropeu; acordare iscola, universidade e entes de chirca pro su contivìgiu de su pensu crìticu in sa formatzione de sos tzitadinos noos.
Pro cada fase de seletzione (sa de istitutu intro su 18, sa regionale e sa “natzionale”) e pro ambas duas sas setzione (limba italiana e limba istràngia), sa cummissione esaminadora at a assignare bator temas de argumentu gnoseològicu-teorèticu, polìticu, èticu, estèticu) movende dae branos de filòsofos. Sos partetzipantes ant a dèvere seberare unu intre sos bator temas inditados isvilupende problematizatzione, argumentatzione, cuntestualizatzione, atualizatzione.
Dae cada istitutu s’ant a cualificare a sa fase regionale (in programma pro su 16 de martzu in sessione telemàtica) duos istudiantes pro cada setzione. Sa finale, semper in lìnia, est programmada pro su 13 de abrile.
mauro piredda
Leave a comment