Biddeputzu, Festival de sas launeddas 2021

Biddeputzu, Festival de sas launeddas 2021

Domìniga 8 de austu in Biddeputzu ddo’at àpidu su Festival de sas launeddas. Organizada dae su sòtziu de sa bidda Maistu de sonus, in collaboratzione cun su progetu Freemmos, de sa Fondazione Maria Carta, sa manifestatzione at tentu s’agiudu de sa Comuna.

Durante su festival ant sonadu diferentes sonadores: Franco Melis, Cuncordia e launeddas, Andrea Pisu, Giancarlo Seu, Bruno Loi, Riccardo Sirigu e Luca Schirru, a su sulitu.

In prus si sunt esibidos àteros artistas puru: su tenore Pòpulu Sardu de Ulìana, su sonadore a chiterra Ignazio Cadeddu, sa cantadora Sandra Ligas, sos Fantafolk e sos Tazenda, chi ant presentadu s’ùrtimu discu Antistasis.

Su progetu Freemmos de sa Fondazione Maria Carta est nàschidu cun s’iscopu de firmare s’emigratzione dae sas biddas prus piticas de Sardigna, in perìgulu continu de ispopulamentu.

(redatzione)

Leave a comment

Send a Comment

S'indiritzu email tuo no at a èssere publicadu.