“Riu mannu. The Lan(d)guage Grabbing” de Micheli Ladu. Òpera publicada dae NOR Edizioni in su 2019, colletzione ‘Isteddos’.
− Noooooooooooo!
Non si cumprendiat si Badore esseret pensende a su sero in antis, o si lu fiat narende ca sa cadena de sa motosega nch’aiat tocadu una pedra o si aiat bidu unu tremuleu intre sa pitzialla e subra sa burrumballa e nch’aiat apubadu… carchi cosa moende-si-nde a bellu a bellu chi pariat chi teniat… una conca birde.
Ma tantis de intumbu, in cue in Gorgosele, mancu isperu.
Teniat àsiu abboghinende!
E si puru bi nd’esseret istadu, de cussu torraboghe, non nche l’aiat intesu nemos su matessi.
In cue. In Gorgosele.
Leave a comment