Beranu cun sos autores in Terranoa

Beranu cun sos autores in Terranoa

Su 17 de martzu cumintzat in Terranoa sa de deghe editziones de Primavera con gli autori, insertadu in su progetu Sul filo del discorso. S’apuntamentu, finas a su 9 de làmpadas, est semper a sas ses de sero in sa sala Alfonso De Roberto de sa Biblioteca Civica Simpliciana.

Su primu libru a èssere presentadu est Una grande tragedia dimenticata. La vera storia delle foibe, de Giuseppina Mellace. A coa, su 31, Vindice Lecis presentat L’ombra del Sant’Uffizio.

In su mese de abrile su 14 tocat a Gian Luisa Carracoi cun Le torri dell’Ogliastra, su 21 a Fiorenzo Caterini cun La notte in fondo al mare e su 28 a Ruggero Roggio cun Il re delle api.

Su 5 de maju ddo’et su reading dae Storia della notte de Jorge Luis Borges, cun Elena Pau, mentras su 19 Piergiorgio Pulixi presentat La libreria dei Gatti Neri. In fines, su 9 de làmpadas Luana Farina Martinelli presentat Poesie e racconti d’amore e di lotta – Cantos e contos de amore e de luta.

(redatzione)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *