Bator dies de caddos sardos in Santu Lussurzu

Bator dies de caddos sardos in Santu Lussurzu

Dae su 15 a su 18 de trìulas su sòtziu Siete Fuentes Centro Equestre organizat sa tapa de su tzircùitu allevatoriale de su Mipaaf, Ministero delle politiche agricole, alimentari e forestali.

Ant a presentare 190 annigros e tentòrgios pesados in Sardigna.

Giòbia a sas 8 pro sos caddos de tres annos ddoe sunt sas provas de ubbidièntzia e andadura.

Chenàbura a sas 7 sunt in programma sas provas de morfologia pro caddos e ebbas de duos e tres annos, in categorias apòsitas, e de sàrtiu in libertade pro sos de duos annos.

Sàbadu a sas 7 prova morfològica pro sos de un’annu e finas sas cualificatziones de sàrtiu in libertade pro sos de tres annos.

Pro custa ùrtima prova sa finale est domìniga a sas 8,30.

Sos mègius classificados in custa tapa ant a partetzipare a sa finale de Verona in Fieracavalli.

(redatzione)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *