At a essere sa notomia, disposta dae sa Procura de sa Repùblica de Nùgoro, a crarire comente est morta una pipiedda de 5 dies

At a essere sa notomia, disposta dae sa Procura de sa Repùblica de Nùgoro, a crarire comente est morta una pipiedda de 5 dies

At a essere sa notomia, disposta dae sa Procura de sa Repùblica de Nùgoro, a crarire comente est morta una pipiedda de 5 dies. A sa criadura l’ant agatada eris bortadedie in una domo, in Burgos, sos operadores de su 118 mutidu dae sos familiares de sa mama, una fèmina de 28 annos: fiat morta dae una paja de oras e partorida sàbadu coladu.

Sos sanitàrios ant avertidu sos Carabineris de sa Cumpannia de Bono e de su Cumandu Provintziale de Tàtari, chi ant deretu aviadu sas indàgines e informadu sa Procura de Nùgoro, cumpetente pro su territòriu. Sos militares eris sero ant intesu a sa mama de sa pitzinnedda, sos giajos e una tzia. Totus iscritos custu mangianu in su registru de sos indagados, cun s’ipòtesi de su reatu de abandonu de incapatze. In sas dies imbenientes los at a intèndere su Pùblicu Ministeru puru.

Sos Carabineris ant a dèpere crarire comente at partoridu sa fèmina, si in s’ìnteri de sa gravidàntzia la sighiat unu dutore, si sos servìtzios sotziales fiant informados.

Sa notomia at a iscobèrrere proite est morta sa pitzinnedda, informatzione netsessària pro cumprèndere si sos indagados ant carchi responsabilidade o si b’intrat atera gente puru.

Mariantonietta Piga

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *