Assange liberu! Su 20 manifestatzione in Casteddu

Fintzas in Sardigna b’at boghes in favore de Julian Assange. Su primu de freàrgiu est nàschidu su grupu Free Assange Sardinia chi, pro sa càusa de s’editore de WikiLeaks, est organizende unos cantos apuntamentos in ocasione de su Day X. Su 20 de freàrgiu sos giùighes britànnicos s’ant a dèvere espressare in contu de estraditzione de su presoneri a sos Istados unidos. Su matessi die, in Casteddu b’est sa manifestatzione, dae sas ses de sero. S’atopu est a pratza de su Càrmene cun su corteu peri sas carreras de su cabu de logu. Ma in antis de tando b’at àpidu duos apuntamentos preliminares in Tàtari, su 14 (a banda de mangianu in carrera de Turati) e su 15 (a parte de sero in pratza Castello) cun duos sit-in.