Archìviu sardu de iscritura populare, su prèmiu

Archìviu sardu de iscritura populare, su prèmiu

B’at galu tempus pro pigare parte a sa prima editzione de su prèmiu “Archivio Sardo di Scrittura Popolare”.

de Màuru Piredda

S’archìviu, nàschidu in intro de s’Issla (Istituto sardo di scienze, lettere e arti), punnat a collire, catalogare e lassare a disponimentu istòrias de òmines e fèminas traballadores (massajos, pastores, operajos, meres de domo etc) contadas a boghe o cun pabiru. «S’obietivu – narant sos promotores – est su de àere una banca de sa memòria populare e de promòvere chircas, istùdios e seminàrios dedicados a chistiones teòricas e metodològicas in contu de iscritura populare».
Pro custu motivu ant ammaniadu su prèmiu, cun materiale (diàrios, lìteras, memòrias, contos, libros de famìlia, cartolaros de iscola, poesias, pregadorias, testimonias orales etc.) chi at a pòdere èssere presentadu dae sos autores matessis o dae chie los at eredados.
S’òpera chi, a bisu de sa giuria, at a merèssere su prèmiu (ma finamentas àteras) l’at a publicare un’editore seberadu dae s’Archìviu.
Totu cantas sas informatziones in su situ https://archiviopopolare.issla.it/

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *