Agentzia de sas Intradas: computer e server in donu pro iscolas, entes e organismos no profit

Agentzia de sas Intradas: computer e server in donu pro iscolas, entes e organismos no profit

In ocasione de su rennou de sas dotatziones informàticas suas, s’Agentzia de sas Intradas donat computer (fissos e portàtiles) e server a sa Pùblica amministratzione, a sas iscolas, a sos entes e a sos organismos no profit.

Sa rechesta de partetzipatzione a s’initziativa podet èssere imbiada petzi tramite PEC a s’indiritzu cessionigratuite@pec.agenziaentrate.it intre sas 12 de su 3 de freàrgiu de ocannu. Su ritiru at a èssere totu a càrrigu de su retzidore chi, duncas, s’at dèpere presentare frunidu de su materiale netzessàriu (iscàtulas, nastru adesivu etc).

A minudu, sa protzedura de sighire est custa:

1) Impreare s’aplicatzione in-lìnia Phoenice (https://www.fiscooggi.it/phoenice) pro predispònnere sa rechesta: tocat de inditare su bandu “AE2023”, sos datos anagràficos de s’assòtziu e sa provìntzia (o sas provìntzias) in ue s’ant a ritirare sas màchinas.

2) S’aplicatzione at a generare su file “phoenice.xml” chi, una borta iscarrigadu, depet èssere allegadu a sa pec.

3) S’e-mail tzertificada de rechesta depet àere comente ogetu “AE2’23” e tènnere in allegadu petzi su file “phoenice.xml” generadu dae s’aplicativu.

Pro su chi pertocat sa graduatòria, s’at a dare prioridade a sas iscolas, posca a sos entes locales e, in fines, a sos assòtzios sena fine de lucru, fundatziones e àteros entes de pùblica utilidade. In casu de paridade, sa graduatòria at a èssere ordinada pro mèdiu de unu sortègiu chi movet dae su Lotto de su 4 de freàrgiu: pro custu est netzessàriu a inditare unos cantos nùmeros in intro de sa dimanda.

Pro su ritiru bisòngiat produire unos cantos documentos: dèlega firmada de s’ente o organismu de apartenèntzia, documentu de identidade se su delegadu e, in ue netzessàriu, documentatzione chi proat sa veriditzidade de cantu decraradu in sede di dimanda (iscritzione a su registru assòtziu, iscritzione a su registru de protetzione tzivile, istatutu assotziativu chi atestet s’ausèntzia di finalidades lucrativas).

Pro ulteriores informatziones si podet iscriere a s’indiritzu entrate.ae2023@agenziaentrate.it intro e non prus a tardu de su 31 de ghennàrgiu.

Gianfranca Orunesu

(foto Pixnio.com)

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *