Sos Carabineris de su Cumandu Provintziale de Aristanis ant arrestadu, cun s’acusa de tentadu omitzìdiu a Federico Sanna, su pitzinnu de 23 annos chi eris sero at fertu a istocadas a su babbu, Brunu Sanna, 61 annos, in s’ìnteri de una briga. S’òmine est grave, ricoveradu in s’Ospidale Brotzu de Casteddu.
Sos Carabineris sunt chirchende de cumprèndere comente sunt andadas sas cosas, ma diat pàrrere chi babbu e fìgiu no andaiant de acordu e brigaiant belle a fitianu.
A abbisare sos sucursos est istadu Federico matessi. Leadu a caserma, sos Carabineris l’ant porrogadu, arrestadu e giutu a su Càrtzere de Màssama.
Mariantonietta Piga