Tradutzione dae pàgina 30 → http://ocalan-books.com/downloads/EN-brochure_democratic-confederalism_2017.pdf
1. Su deretu a s’autodeterminatzione de sos pòpulos ponet in contu su deretu a un’istadu issoro. Semper e cando, su fràigu de un’istadu no acreschet sa libertade de unu pòpulu. Su sistema de sas Natziones Unidas, chi dae sos istados-natzione movet, no est de giudu. A su presente, sos istados-natzione, abarrant che a un’ostàculu pro cale si chi siat isvilupu sotziale. Su cunfederalismu democràticu est su paradigma cuntrastivu de sos pòpulos opressos.
2. Su cunfederalismu democràticu est unu paradigma sotziale no-istatuale. No est controlladu dae un’istadu. In su matessi tempus, su cunfederalismu democràticu est su progetu culturale e organizativu de una natzione democràtica.
3. Su cunfederalismu democràticu movet dae sa partetzipatzione populare. Sos protzessos detzisionales suos nche sunt in intro de sas comunidades. Livellos prus artos serbint petzi pro su coordinamentu e s’atuatzione de sa voluntade de sas comunidades chi nch’imbiant sos delegados issoro a sas assembleas generales. Pro unu tempus limitadu sunt boghe e finamentas istitutziones esecutivas. Semper e cando, su poderiu detzisionale de base nch’abarrat in sas istitutziones locales.
4. In s’Oriente mesanu, sa democratzia no la podet impònnere su sistema capitalista e sos poderios imperiales suos chi, a sa democratzia, dannos ebbia cajonant. S’ispainada de sa democratzia dae bassu est fàtzile. Est s’ùnica prospetiva a tretu de pigare in cunsideru grupos ètnicos, religiones e classes diferentes. E serente est a s’istrutura traditzionale cunfederada de sa sotziedade.
5. Su cunfederalismu democràticu in Kurdistàn est fintzas unu movimentu antinatzionalista. Sa punna sua est sa de sa realizatzione de s’autodefensa de sos pòpulos pro mèdiu de s’avantzamentu de sa democratzia in cada chirru de su Kurdistàn sena pònnere in discussione sas làcanas polìticas chi esistint. Sa finalidade sua no est sa de su fràigu de un’istadu-natzione curdu. Su movimentu cheret istabilire istruturas federales in Iran, Turchia, Sìria e Iràq abertas a totus sos curdos e chi, in su matessi tempus, forment una cunfederatzione-amparu pro totus sas bator alas de su Kurdistan.
Leave a comment