3.174 mortos migrende ocannu. Tzifra reale?

3.174 mortos migrende ocannu. Tzifra reale?

Prus de tremìgia e chentu persones (3.174) sunt mortas ocannu migrende dae sa terra issoro. Unu nùmeru prus bassu cunforma a sos 5.327 de su 2019. Ma custa mèngua podet dare chi non currispondat a sa tzifra reale. «Su virus corona – narant sos de s’Organizatzione internatzionale pro sa migratzione in ocasione de sa die mundiale de sos migrantes – at complicadu sa capatzidade nostra de regorta de datos e finamentas su monitoràgiu sas rotas ispetzìficas». Finas a como, ocannu, a su nessi 1.773 migrantes ant pèrdidu sa vida in intro e conca a Europa, su bonu de sas vìtimas peri su mundu. Creschent sos mortos conca a sas ìsulas Canàrias ma finamentas in s’Amèrica meridionale. (redatzione)

 

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *