Chimbe generatziones, dae s’inghitzu a s’agabbu de su Noighentos, si sighint e si chircant in una bidda pitica, Arriu de Sulcis, de treghentos persones, pro su prus massajos e pastores. Tenièi e Erminia sunt sas figuras prus de importu de cust’arrempile chi est rempelladu e arrèndidu a su matessi tempus. Est de custu chi faeddat su contu de Marco Piras-Keller, Se la Grande Madre vuole. Arresolùtu. Unu romanzu chi est essidu a campu cun Condaghes e at otènnidu finamentas su sustegnu pro l’iscrìere dae sa Fundatzione pro Helvetzia.
In sa chida imbeniente s’autore incumintzat su primu giru de presentadas in Sardigna.
Sa prima est in Portescusi su lunis 12 a sas 16,30 in sa Sala Alcoa. Ant a arresonare cun isse s’iscritora Eleonora Carta e sa dotora Antonella Serra.
Sa sigunda at a èssere in Casteddu su 14 de nadale a sas 17 in sa MEM – Mediateca del Mediterraneo a intro de sa rassigna literària “Cagliari che legge / Casteddu chi ligit”. In custu addòbiu Cristina Maccioni at a lèghere carchi pàgina de su libru, e s’autore at a arresonare cun Salvatore Cubeddu.
Su 15 a sas 18 s’autore at a èssere in Narcau, in sa Biblioteca de sa Comuna. At a ghiare sa presentada sa responsàbile de sa biblioteca, Roberta Podda
Chenàbura 16 a sas 16, s’Assòtziu Culturale Archifonia at a acollire Piras Keller in Santadi in Sa Domu e Paxi in Via Umberto I°, 22. Presentat su professore Angelo Cani.
Sos addòbios agabbant in Carbònia, su sàbadu 17 a sas 16,30 in Carbònia, in su tzìrculu Euralcoop in Pratza Marmilla. At a presentare sa dotora Antonella Serra.
Redatzione
Leave a comment