de Salvatore Serra
Vittorio Inzaina (Telti, 28 de maju de su 1942 – Telti, 16 de santadria de su 2019) est istadu unu cantadore sardu in limba italiana.
In antis de sa resessida come cantadore faghiat su maistru de muru in sa bidda sua de nàschida Telti, chi s’agatat in Gaddura a pagos chilòmetros dae Terranoa.
Binchende su Festival de Castrocaro in su 1964 at logradu su deretu a leare parte in su Festival de Sanremo 1965 cun sa cantzone “Si vedrà”, a croba cun su grupu pop de Madagascar Les Surfs, lompende a sa finale. Inzaina est istadu su primu cantadore sardu a artziare in su palcu de Sanremo.
Pustis at tentu una resessida manna cun sa cantzone “Ti vedo dopo messa”, presentata in su Cantagiro 1965, faghìngiu a nou in italianu de sa cantzone country americana “Big Man in Town” de Frankie Valli (cumponente de su grupu The Four Season). De ammentare finas su 45 giros de su 1973 La voce/Azzurro amore (lago di Garda), produidu dae sa domo discogràfica City.
Su 3 de abrile de su 2008 l’ant mentovadu, in pare cun sa cantzone sua, in su programma “Il Dottor Djembe; via dal solito tam tam ”cunduidu in RadioTre dae David Riondino e Stefano Bollani.
A pustis chi s’est dedicadu pro unos cantos annos a su liscio, s’est fatu consulente musicale pro s’eticheta City.
In sos ùrtimos annos est recuidu a Telti, in ue est mortu su 16 santadria de su 2019, a 77 annos, a pustis de una maladia longa.
In onore suo s’amministratzione comunale de Telti at bogadu a campu su “Premio Vittorio Inzaina”, reservadu a sos artistas giòvanos sardos, e su prèmiu “Isola Incantata” reservadu a sos artistas sardos chi ant dadu ondras a sa Regione.
Discografia
Album
Sìngulos
-
1964: Questa è la prima volta/La gente va dicendo (CGD, N 9527)
-
1965: Si vedrà/Ogni sera accanto a te (CGD, N 9531)
-
1965: Ti vedo dopo messa/Se non hai nessuno al mondo (CGD, N 9537)
-
1965: Faccia tosta/È per il tuo bene (CGD, N 9597)
-
1966: Viva quelli come me/Come si può (CGD, N 9614)
-
1966: Quando io partii/Cappuccetto Rosso (CGD, N 9642)
-
1967: Barbagia/Ave Maria sarda (IPM, 3296)
-
1972: Welcome to Costa Smeralda/La prima donna (City, C 6273)
-
1973: La voce/Azzurro amore (lago di Garda) (City, C 6283)
Notas
-
^ RadioTre. Il Dottor Djembe Archiviadu in su 2008 in Internet Archive., podcasting de sa puntata de su 2008 cuidada dae David Riondino e Stefano Bollani.
Bibliografia
-
Autori Vari (contivìgiu de Gino Castaldo), Il dizionario della canzone italiana, editore Armando Curcio (1990), in sa boghe Vittorio Inzaina
-
Eddy Anselmi, Festival di Sanremo. Almanacco illustrato della canzone italiana, edizioni Panini, Modena; in sa boghe Inzaina Vittorio, pàg. 743
Ligàmenes esternos
-
(EN) Vittorio Inzaina, in Discogs, Zink Media.
-
(EN) Vittorio Inzaina, in MusicBrainz, MetaBrainz Foundation.
Leave a comment