Prus de treschentos iscientziados ant iscritu a su primu ministru britànnicu Boris Johnson pro si daret cuidadu cara a «more than 3 billion people across the world have yet to receive their first dose», cara a «tres milliardos o barda de òmines peri su mundu galu a retzire sa prima dose issoro». A bisu de sos acadèmicos «su de vatzinare su bonu de sa populatzione mundiale est sa mègius manera pro prevènnere sas mudadas de SARS-CoV2». Movende dae sa capatzidade de produtzione e de distributzione, sa proposta est de nche bogare sas normas in contu de propiedade intelletuale e de segretos cummertziales. «Pedimus a su guvernu – narant – de sustènnere sa rinùntzia temporànea a sos brevetos e de prèmere pro chi sas aziendas farmatzèuticas cumpartzant sas connoschèntzias issoro cun s’Organizatzione mundiale de sa sanidade. Sa crisi cajonada dae Omicron, identificada sa prima bia in Botswana e in Sud Àfrica, nos ponet cara a sos perìgulos derivantes dae una disagualidade vatzinale globale». Su testu integrale → inoghe.
redatzione