Est essidu a campu su trailer ufitziale de 28 de abrile 1794: sa die de sa Sardigna (inoghe). Su film de animatzione contat de sos acuntessimentos chi andant dae s’atacu de sos frantzesos a Casteddu e agabbat cando sos piemontesos sunt istados catzados dae sa tzitade. Sa mirada est cussa de contare s’istòria sarda a sos pitzinnos, e tando si bident mescamente sos protagonistas de cussa pàgina famada de s’istòria nostra, cun pagas annantas. S’elementu de importu est chi sos chistionos de su film sunt in sardu de su totu e sa punna sua est de girare in sas iscolas de s’ìsula intrea pro nde batire sa limba e s’istòria nostra.
Su progetu naschet pro more de sa Regione Autònoma de Sardigna chi at finantziadu unu bandu pro produire òperas audiovisivas de animatzione in limba sarda e cun su contributu de sa Sardegna Film Commission. S’òpera l’at disinnada e realizada Bruno Olivieri, l’at iscrita Frantziscu Cheratzu e Danile Mocci, l’at animada Caralu Lai e l’at montada Patritzia Loi. Sas mùsicas sunt de Lisandru Olla.
Ma cando at a essire su film? Luego
(redatzione)
Leave a comment